LEO SONSKYN

Wie is Leo Sonskyn?

Leo Sonskyn is ’n Suid-Afrikaanse sanger, liedjieskrywer en kitaarspeler wie se musiek diep gegrond is in sy geloof in Jesus Christus. Sy musiekloopbaan het reeds op 14 begin en het hom tot in die top-20 van Idols SA (2014) en die top-5 van Die Kontrak se derde seisoen geneem.

Hy het al projekte soos “Hemel Poort” saam met AJ de Vos aangepak en sy debuutsnit “Broken Love” op 19 uitgereik. Sy Afrikaanse enkelsnit “Amper Daar” het luisteraars diep geraak, en hy het op 6 Junie 2025 sy nuutste lied “Sondagmiddag Liefde” vrygestel onder CoolerboxRecords.

Leo se musiek weerspieël sy geloof, sy liefde vir eerlike storievertelling en sy passie om mense te inspireer en hoop te bring.