RUDI KLEINGELD

Wie is Rudi Kleingeld

Rudi Kleingeld is ‘n 31-jarige musikant en afrigter wat onlangs begin het om sy stempel op die musiekbedryf te druk. Na meer as ‘n dekade se ervaring waarin hy saam met bekende sangers soos TiNo, Bernice West, en Juan Boucher opgetree het, het Rudi sy debuut-enkelsnit, “Moeg,” op 1 Augustus vrygestel, wat sy intrede in die radiolugte aandui.

Alhoewel hy nie vroeër formele musiekopleiding ontvang het nie, het Rudi se passie vir musiek hom op ‘n reis geneem van ‘n energieke sportspeler in sy kinder- en tienerjare tot die ontdekking van sy liefde vir rock en roll op die ouderdom van 16. Hy het in Heidelberg grootgeword en sy ouers verbaas toe hy besluit het om ná skool ‘n loopbaan in musiek in Pretoria te volg, waar hy ‘n musiekgroep gestig het en nooit weer omgesien het nie.

Saam met sy musiekloopbaan het Rudi ook sy eie musiekskool, Vyfrand-musiek, gestig waar hy sy kennis en passie vir musiek met opkomende musikante deel. Met ‘n stewige posisie in die musiekbedryf is Rudi opgewonde om sy eie unieke pad te bewandel en ‘n blywende impak op die musieklandskap te hê